berriak

2024-25 ikasturtea - Zure ahotsa behar dugu!

Koro Txikia, Etxarri Aranazko Abesbatzaren haur abesbatza da; 6-14 urte bitarteko haurrek osatzen dutena. Haien kabuz kontzertuak eskaintzeaz gain, beste talde batzuekin ere abesten dute, hala nola Etxarri Aranazko Abesbatzarekin. Gainera, beste abesbatza txiki batzuekin ere kontzertuak eskaintzen dituzte.

Abesbatza txiki honen helburua, abesten ikastea eta ongi pasatzea da, musikaz gozatzen dutelarik. Gainera, abesbatzen mundura hurbiltzeko modu bat ere bada. Aldi berean, Etxarri Aranazko Abesbatzaren etorkizuna dira eta honetara salto egiteko prestatzen zaie.

Ikasturte osoko ordainketa bakarra egin behar da, 50 eurokoa, kurtso hasieran egiten dena. Entseguak, astean behin izaten dira, ostiraletan zehazki, eta ordubeteko iraupena izaten dute.

Izena emateko:

• Idatzi corotxikis@gmail.com helbidera
• Edo “deskargak” atalean dagoen “Izen-emate orria / Hoja de inscripción 2024-25” dokumentua bete eta corotxikis@gmail.com helbidera bidali.