Facebook Instagram
 

Historiala

Etxarri Aranazko abesbatza XIX. mende hasieratik herriko elizkizunak janzten zituen elizako koruaren ondorengoa da. 1972an eman zuen lehen kontzertua eremu horretatik kanpo eta beraz, urte horretan kokatzen dugu abesbatzaren sorrera.

Lehiaketak eta sariak

Ibilbide luze honetan, zenbait sari garrantzitsu irabazi ditu abesbatzak:

  • Polifonia modalitateko irabazlea, Folklore modalitateko irabazlea eta Kantu Koralaren Sari Nagusi Nazionaleko irabazlea Zumarragan 2016an
  • Lau lehenengo sari (1974, 1976, 1982 eta 2015), bi bigarren sari (1973 eta 1978), lau hirugarren sari (1980, 1983, 1989 eta 2007) eta ikusleen saria (2007) Ejea de los Caballeros-eko Lehiaketan (Zaragoza).
  • Lehen Saria Autolen (Errioxa) 1994an.
  • Lehen Saria 1995ean; Bigarren saria eta lehen saria marinel obraren interpretazio onenari San Vicente de la Barquera Lehiaketan 2013an.
  • Bigarren Saria Bilboko Lehiaketan 1977an.
  • Bigarren Saria Burgosko Antonio Jose Lehiaketan 2007an.
  • Torreviejako Nazioarteko Habanera eta Polifonia Lehiaketan, polifoniako lehen saria 1976an, 1982an eta 1996an eta bigarrena 1975ean.
  • Tolosako Nazioarteko Lehiaketan (munduko onenetarikoa kontsideratua) lehen saria irabazi zuen ahots zuritan 1973an eta hirugarrena 1977an. Euskal abesbatzarik onenaren saria jaso zuen 1974an. 1983an bigarrena izan zen ahots zuritan, kantu gregorianoan. Ahots nahasietan, folkloreko hirugarren saria jaso zuen 1977an eta 1983an.

Kontzertuak

Etxarri Aranazkoa abesbatzak 600 kontzertu baino gehiago eskaini ditu Euskal Herrian, Espainia zabalean eta atzerrian. Kontzertu aipagarrienak:

  • Euskal Herrian, ondoko leku edo zikloetan emandako kontzertuak nabarmentzen dira: Iruñeko katedrala, Tolosako Topaketak, Santurtziko Abesbatzen Zikloa, Basauri, Borja, Iruñea, Oreretako Musikaste, Aita Donostia Astean eta Gernikan, Bonbardaketaren 60. urtemugako kontzertua, Donostiako Orfeoia eta beste abesbatza batzuekin batera.
  • Espainian, kontzertu azpimarragarriak eskaini ditu Madrilen, Toledoko Alcazar-en (bere patio errenazentistan abestu zuen lehen abesbatza izan zen), Burgosko katedralean, Segoviako Eliz Musika Astean, Valladolideko Kontzertu Sakroetan, Isla Cristinako Atlantikoko Abesbatzen Jaialdian (Huelva), etab.
  • Atzerrian, kontzertuak eskaini ditu Nancy eta Tarnos-en (Frantzia); Loreton (Italia) eta Vatikanon (1979); Argentinako Buenos Airesen, Rosarion eta Cordoban (2005eko abuztua) eta Hungarian, Ezstergorm eta Dorog hirietan (2008ko abuztuan).

Zenbait orkestrekin batera aritu da, Bilboko Orkestra Sinfonikoarekin, "La Pamplonesa" musika taldearekin edo Iruñeko Pablo Sarasate Orkestrarekin esaterako.

2005eko Ekainean "Pamplona, ciudad de todos" obra estreinatu eta grabatzen du, Enrique Ugartek konposatua, konpondua eta zuzendua; honako artista famatuen laguntzarekin: Fran Idareta, Kepa Junkera, Carlos Nuñez, Joxan Goikoetxea, Javier Garayalde y Enrique Zelaya.

Errepertorioa

Errepertorio zabala du Etxarriko abesbatzak, errenazimendutik hasi eta musika garaikideraino. Hala ere, errepertorio klasikoa, erromantikoa eta XX. eta XXI. mendekoak landu ditu bereziki, bere aldaera guztietan: sakro nahiz profanoa eta a capella nahiz piano, organo edo orkestrarekin. Zenbait herrialdetako obra tradizionalek osatzen dute errepertorioa, bereziki euskal folkloreak eta Espainiako kantu herrikoiek. Habanera eta espiritualen errepertorioa ere zabala da.

2003ko urtarriletik, ALICIA ARMENDARIZ MURILLOk zuzentzen du abesbatza.

agenda

Ez dago gertakaririk agendan.

gune pribatua

kontaktua

628 077 822   |   info@coraletxarriaranaz.com